Helikopteret kan tingast etter at helseforetaka oppretta ny kontrakt med Lufttransport på ambulanseflyginga i Ålesund, Brønnøysund og Tromsø. Den økonomiske storleiken på avtalen er i underkant av 90 millionar kroner i året.
Helikopteret som skal setjast inn i tenesta frå 1. juni 2008, skal vere ein AW139 som det så langt berre er bygt 30 stykke av. Dette er eit italiensk helikopter som det er to års leveringstid på. Frå før er det eitt slikt helikopter i landet, og det vart sett inn i ruteflyginga til Værøy og Røst i februar i år. Kontrakta på ambulanseflyginga skal vare i seks år, men det er mogeleg å forlenge den med nye to år.