NRK Sogn og Fjordane

- Eg trur eg har betre føresetnader enn politiet til å lese obduksjonsrapportar. Det seier fylkeslege Petter Øgar.

Han avviser likevel at det ligg noko dramatikk bak dette.

- Det kan vere greitt å sjå gjennom rapporten. Når eg har lese den, veit eg om det er grunnlag for å gå vidare med saka.

Det var måndag i forrige veke at ein ambulanse køyrde i elva ved Indre Hafslo i Luster. Pasienten, ein 84 år gamal mann, døydde av hjartesvikt dagen etter. Politiet etterforskar om ulukka kan ha medverka til dødsfallet.